Question 1

Hvað er Hnapp.is?

Accepted Answer

Hnapp.is tengir þig við fagfólk í gegnum myndsímtal. Þú finnur fagmann, velur lausan tíma, greiðir fyrir bókunina og talar við hann beint inni á síðunni - engin forrit eða innskráning hjá öðrum þjónustum.

Question 2

Hvernig bóka ég tíma?

Accepted Answer

Þú opnar síðu fagmannsins, velur lausan tíma og hvort þú viljir 30 eða 60 mínútur. Þá greiðir þú með greiðslukorti og bókunin staðfestist um leið og greiðslan berst. Staðfesting kemur í tölvupósti.

Question 3

Hvað kostar þetta?

Accepted Answer

Hver fagmaður velur sitt eigið tímagjald og verðið er alltaf birt með virðisaukaskatti. 30 mínútna tími kostar helminginn af tímagjaldinu. Þú sérð nákvæma upphæð áður en þú greiðir og engin aukagjöld bætast við.

Question 4

Þarf fagmaðurinn að samþykkja bókunina?

Accepted Answer

Nei. Fagmaðurinn setur sjálfur inn þá tíma sem hann er laus, svo bókunin er staðfest um leið og greiðslan hefur borist. Þú þarft ekki að bíða eftir svari.

Question 5

Hvenær get ég tengst myndsímtalinu?

Accepted Answer

Hnappurinn „Fara í símtal“ verður virkur 10 mínútum fyrir bókaðan tíma. Þú finnur hann á stjórnborðinu þínu eftir innskráningu og hann virkjast sjálfkrafa þegar tíminn nálgast.

Question 6

Lokast símtalið sjálfkrafa þegar tíminn rennur út?

Accepted Answer

Nei. Símtalið lokast ekki sjálfkrafa þótt bókaða tímanum ljúki. Ef samtalið teygist aðeins fram yfir kostar það ekkert aukalega - þið ljúkið því einfaldlega þegar ykkur hentar.

Question 7

Hvað þarf ég til að taka þátt?

Accepted Answer

Tölvu eða síma með myndavél, hljóðnema og nettengingu. Símtalið opnast beint í vafranum og þú þarft hvorki að sækja forrit né stofna aðgang annars staðar. Áður en símtalið hefst smellir þú á hnapp sem biður um leyfi fyrir myndavél og hljóðnema.

Question 8

Get ég sent upplýsingar á fagmanninn fyrir tímann?

Accepted Answer

Já. Á bókuninni er undirbúningssvæði þar sem þú getur skrifað lýsingu á málinu og bætt við myndum eða skjölum. Fagmaðurinn getur kynnt sér þetta fyrir tímann svo símtalið nýtist betur.

Question 9

Get ég afbókað og fengið endurgreitt?

Accepted Answer

Já. Þú getur afbókað hvenær sem er áður en tíminn hefst og þá er upphæðin endurgreidd sjálfkrafa að fullu á kortið þitt. Eftir að tíminn er hafinn er ekki hægt að afbóka og ekki er endurgreitt ef mætt er ekki í tímann.

Question 10

Get ég fært tímann minn?

Accepted Answer

Já. Á stjórnborðinu getur þú fært bókun yfir á annan lausan tíma hjá sama fagmanni, svo lengi sem upphaflegi tíminn er ekki hafinn. Þú greiðir ekkert aukalega fyrir að færa tímann.

Question 11

Hvenær sé ég endurgreiðsluna á reikningnum mínum?

Accepted Answer

Endurgreiðslan fer af stað um leið og þú afbókar, en það fer eftir bankanum þínum hvenær hún birtist - yfirleitt tekur það 3–10 virka daga.

Question 12

Hvar sé ég bókanirnar mínar?

Accepted Answer

Á stjórnborðinu eftir innskráningu. Þar sérð þú komandi og fyrri bókanir, tíma og lengd, greiðslustöðu, hnappinn inn í símtalið og möguleika á að færa eða afbóka.

Question 13

Hvað gerist eftir símtalið?

Accepted Answer

Þegar þú yfirgefur símtalið birtist stutt endurgjöf þar sem þú gefur fagmanninum einkunn, skilur eftir umsögn og lætur vita hvernig hljóð og mynd virkuðu. Umsagnir birtast á prófíl fagmannsins og hjálpa öðrum að velja.

Question 14

Hvernig verð ég fagmaður á Hnapp.is?

Accepted Answer

Þú stofnar aðgang, fyllir út prófílinn þinn - faggrein, þjónustulýsingu, menntun eða starfsréttindi og tímagjald með vsk - og við förum yfir hann. Prófíllinn birtist á síðunni þegar hann hefur verið samþykktur.

Question 15

Hvernig fá fagmenn greitt?

Accepted Answer

Fagmaðurinn heldur 80% af upphæðinni og þóknun Hnapp.is er 20%. Á fagmannssvæðinu velur hann tímabil, hakar við lokna tíma og sendir okkur tilkynningu. Formlegur reikningur er stílaður á Lemniscate ehf., kt. 711019-1030, og sendur á hnapp@hnapp.is. Greitt er út innan 3 virkra daga.

Question 16

Hvernig næ ég í ykkur?

Accepted Answer

Sendu okkur tölvupóst á hnapp@hnapp.is - við svörum eins fljótt og við getum og aðstoðum með bókanir, greiðslur og tæknileg mál.