Skilmálar – Hnapp.is

Hnapp.is hefur valið ráðgjafa með breiða þekkingu og reynslu í ýmsum sérfræðigreinum. Tilgangur ráðgjafa hvort sem það er með skilaboðum, símtölum eða myndsímtölum er að veita viðskiptavinum færi á að fá leiðsögn og ráðgjöf frá sérfræðingum með fljótlegum og þægilegum hætti.

Áhersla er lögð á að sú leiðsögn og ráðgjöf sem veitt er í gegnum myndsamtal eða símtal sé einföld og fljótleg.

Hnapp.is ber ekki ábyrgð á þeirri ráðgjöf sem veitt er í gegnum samtal eins og gert er þegar verkefni eru leyst með „eðlilegum“ hætti þegar verktaki mætir á verkstað.. Ráðgjöfin byggist eingöngu á þeim upplýsingum sem ráðgjafinn fær frá viðskiptavininum og getur ráðgjöfin aldrei orðið áreiðanlegri heldur en upplýsingarnar gefa til kynna. Þar sem ráðgjafinn mætir ekki á stað þann sem um ræðir er mikilvægt að viðskiptavinurinn gefi eins nákvæmar upplýsingar og hægt er í samtalinu svo hægt sé að veita viðunandi ráðgjöf. Lögð er áhersla á að forsendur séu sem ýtarlegastar og áreiðanlegastar og er það alfarið á ábyrgð viðskiptavinarins að veita þær forsendur sem ráðgjöf snýr að. Veiti viðskiptavinur rangar forsendur/upplýsingar þá er hætt við því að ráðgjöfin sé röng eða eigi ekki við.

Hnapp.is áskilur sér rétt til þess að vísa ráðgjöf frá ef upplýsingar eru ófullnægjandi eða kunna að vera þess eðlis að nauðsynlegt er að veita ráðgjöf með öðrum hætti.

Mikilvægt er að hafa í huga að ráðgjöfin kann að vera fræðileg og flókin fyrir þá sem ekki hafa þekkingu til að taka við upplýsingunum. Sé fyrirspurnin þess eðlis er hvatt til þess að hafa samband við Hnapp.is með öðrum hætti, eða hafa einstakling viðstaddan sem hefur næga þekkingu til að heimfæra ráðgjöfina á verkstað. Með því móti eru auknar líkur á að ráðgjöfin skili fullnægjandi árangri. Framkvæmd í kjölfar ráðgjafar er alfarið á höndum viðskiptavinar og getur Hnapp.is ekki ábyrgst árangur framkvæmdar eða allt það sem þar kann að koma uppá.